„კვირიკაშვილის განწყობა მისასალმებელია. ამას ყველა აღნიშნავს, ოპონენტებიც და საზოგადოებაც", - განცხადებას „ტრადიციონალისტთა კავშირის" ლიდერი აკაკი ასათიანი „რეპორტიორთან" საუბრისას აკეთებს:
„ვფიქრობ, ჩნდება შესაძლებლობა, რომ საქართველოში პოლიტიკური დაპირისპირება ერთხელ და სამუდამოდ კამათის, დიალოგისა და ურთიერთთანამშრომლობის რეჟიმში გადავიდეს.
კომპრომისი უნდა მოიძებნოს და უნდა მივაღწიოთ ყველასთვის მეტ-ნაკლებად მისაღებ შედეგს. საუბარია არჩევნებზე. 2012 წელს პირველად მოხერხდა საპარლამენტო არჩევნების მეშვეობით ხელისუფლების შეცვლა. ამან ხელი შეუწყო ევროპასთან ასოცირების ხელშეკრულების გაფორმებას, ვიზა-ლიბერალიზაციას. ეს ყველაფერი თანდათან ძალიან თანმიმდევრულ სახეს იძენს.
დიალოგის ფორმატმა, როგორც მინიმუმ, უნდა დახვეწოს საარჩევნო კოდექსის სხვადასხვა პუნქტები. ჩვენც წავალთ კომპრომისზე და დაველოდებით 2020 წელს, რომ მაჟორიტარული სისტემა შეიცვალოს, მაგრამ ისინიც უნდა წამოვიდნენ გარკვეულ კომპრომისზე", - აცხადებს აკაკი ასათიანი.
