მანჩო გიორგობიანმა „ობიექტივის" ეთერში "ნაციონალურ მოძრაობას" ქვეყნის განვითარების შემაფერხებელი ძალა უწოდა. მისი თქმით, მიუხედავად იმისა, რომ ჯერ კიდევ ოცნების მხარდამჭერია, სურვილი აქვს, რომ პარლამენტში იხილოს სხვა პოლიტიკური პარტიებიც, გარდა ნაციონალური მოძრაობისა.
„შედარებითია ყველაფერი და უკეთესობისკენ ვართ, ამიტომ ჯერ კიდევ ოცნების მხარდამჭერი ვარ. მიუხედავად ამისა, გულით ვისურვებდი, რომ პარლამენტში შევიდეს ირმა ინაშვილის პარტია, შებრძანდეს ქ-ნი ნინო ბურჯანაძის პარტია, აუცილებლად შემოვიდეს ალასანიას პარტია და იყვნენ პარლამენტში , გადანაწილდნენ სხვადასხვა პარტიები გარკვეული პროცენტებით და მაქსიმალურად ჩაჩოჩდეს ეს სიგიჟე - ნაციონალური მოძრაობა, რომელიც მიზანმიმართულად აფერხებს ქვეყნის განვითარებას"-განაცხადა მან ტელეკომპანია "ობიექტივში" სტუმრობისას.
მანჩო გიორგობიანის თქმით, პარლამენტში პრეზიდენტის გამოსვლას პირველად ესწრებოდა პრემიერ-მინისტრი და ნაცვლად იმისა, რომ ეს თემა უფრო საფუძვლიანად გაეშუქებინათ, ყურადღების ხელოვნურად გადატანა მოხდა გოგი თოფაძეზე, რითაც მთავარი თემების გადაფარვა მოხდა.
"არაჩვეულებრივად ჩაიარა პრეზიდენტის გამოსვლამ პარლამენტში, ესწრებოდა პრემიერ-მინისტრი, ყველა მინისტრები, უსერიოზულესი სიტყვა თქვა პრეზიდენტმა, მაგრამ ყველა მთავარი თემა დაიკარგა ამ მოხსენებიდან. ყველა გადაერთო გოგი თოფაძზე, ორი დღე მხოლოდ ამაზე იყო ლაპარაკი, სირცხვილია"- განაცხადა გიორგობიანმა.
წყარო: ფოსტალიონი
