ჟურნალისტი მერაბ მეტრეველი სოციალურ ქსელში საქართველოს ექს-პრეზიდენ მიხეილ სააკაშვილის შესახებ წერს და აცხადებს, რომ „მიშას იდეებს ყველა დასცინოდა, იმიტომ, რომ, როგორც ყველა დიქტატორი, კომიკური პერსონაჟი იყო".
„ნაცებს არაფერი გეშველებათ. ახლა ითხოვენ, მიშას ბოდიში მოუხადეთო, ლაზიკის გამო რომ დასცინოდითო? მიშას იდეებს ყველა დასცინოდა, იმიტომ, რომ, როგორც ყველა დიქტატორი, კომიკური პერსონაჟი იყო და ყველაფერს გრანდიოზულ იერს აძლევდა. უბრალოდ, პორტის აშენების იდეა ეცოტავებოდა, ახალი ქალაქი უნდა შევქმნაო. პორტზე ელაპრაკა და ეთქვა, პორტს ქალაქიც მოჰყვება როდისმეო. რთული იქნებოდა? მაგრამ არა, მანია გრანდიოზა სჭირდა! პორტი და როდისმე ქალაქი - ისე გრანდიოზულად არ ჟღერდა! ეს იყო პრობლემა. კარგი იდეა არასერიოზულად შეფუთული და კომიკური ტიპაჟის მხრიდან გახმოვანებული - საკმარისი მიზეზია სასაცილოდ!" - წერს მერაბ მეტრეველი.
მოამზადა ნენე სტეფანიშვილმა
