რეგიონული განვითარებისა და ინფრასტრუქტურის მინისტრი, დავით ნარმანიას თქმით,  რუსთავი-თბილისის ავტომაგისტრალის მშენებლობა სექტემბრის დასაწყისში დაიწყება.  ამ ეტაპზე  კომპანიის შერჩევის პროცედურები მიმდინარეობს.. 

„მუნიციპალური განვითარების ფონდის მხრიდან, კომპანიის შერჩევისთანავე  დონორ ორგანიზაციას, აზიის განვითარების ბანკს გადაწყვეტილება გადაეგზავნება. ამის შემდეგ ხელშეკრულება გაფორმდება და ჩვენ ვვარაუდობთ, რომ სექტემბრის დასაწყისში საგზაო სამუსაოები დაწყებული იქნება."- განაცხადა ნარმანიამ. 

მინისტრის განცხადებით არსებულ პროექტზე  დასაქმებულ მუშების 100% ქართველი იქნება. 
"ორ რამეს მივაღწიეთ რუსთავი-თბილისის მაგისტრალთან დაკავშირებით. პირველი ეს არის აზიის განვითარების ბანკთან მოლაპარაკება, რომლის შედეგადაც იქ დასაქმებული მუშა ხელის 100% იქნება ქართველი, საინჟინრო პერსონალიდან კი მინიმუმ 70% უნდა იყვნენ ასევე ქართველები.  მეორე მიღწევა კი ეხება საპროექტო დოკუმენტაციის დაზუსტებას. გამოცხადდა ტენდერი, რომელშიც 14 კომპანიამ მიიღო მონაწილეობა, თუმცა მანამდე გაცილებით მეტმა გაიტანა სატენდერო დოკუმენტაცია", - განაცხადა ნარმანიამ.