ლევან გაჩეჩილაძის განცხადებით, „მაესტროს" დირექტორად მისი დარეგისტრირება დაჩქარებული წესით მოხდება, რისთვისაც განსაზღვრული თანხაა გადახდილი. გაჩეჩილაძემ საჯარო რეესტრთან ჟურნალისტებს განუცხადა, რომ დარეგისტრირების პროცესი უკვე დაწყებულია.

გაჩეჩილაძის განცხადებით, ტელევიზიაში სავარაუდოდ ხვალ მივა და საქმიანობას შეუდგება. მან დღეს კიდევ ერთხელ აღნიშნა, რომ ირაკლი რუხაძისგან გია გაჩეჩილაძემ ვალი აიღო:

„განაცხადი შევიდა, დაჩქარებული წესით მოხდება რეგისტრაცია, მეურვის ნებართვის შემდეგ. როდის იქნება გადაწყვეტილება მიღებული, ეს უნდა ჰკითხოთ საჯარო რეესტრს. ყველა საბუთი წესრიგშია, მეურვემ ხელი მოაწერს „მაესტროს" პარტნიორთა კრების ოქმს და საბუთები დასარეგისტრირებლად შევიდა", - განაცხადა ლევან გაჩეჩილაძემ.