შს მინისტრის მოადგილე არჩილ თალაკვაძე შსს პოლიციის აკადემიის ახალი ფუნქციის შესახებ წერს:

„დიდი მადლობა ყველას, მათ შორის იმ ჟურნალისტებს, ვინც ზუსტად შეაფასა ამ პროექტის მნიშვნელობა ჩვენი ქვეყნისთვის:

შსს პოლიციის აკადემია სამართალდამცავთა სწავლების და მომზადების საერთაშორისო ცენტრის ფუნქციას შეიძენს.

ეს იმას ნიშნავს, რომ სხვა  ქვეყნებიდან პოლიციელები საქართველოში ჩამოვლენ და აქ მოემზადებიან ჩვენს სამართალდამცავებთან ერთად.

The Police Academy of the Ministry of Internal Affairs of Georgia preparing to serve as an international training center for police forces. Deputy Assistant Secretary of State Walsh announced INL support worth USD 500,000 to advance Georgia's initiative to create a regional law enforcement leadership and management training center.

აშშ-ს სახელმწიფო ანტინარკოტიკული და სამართალდამცავ ორგანოებთან ურთიერთობების საერთაშორისო ბიურო (INL) საქართველოს ამ პროექტის განხორციელებისთვის საწყის ეტაპზე, ნახევარ მილიონ დოლარს გამოუყოფს. ამის შესახებ შინაგან საქმეთა მინისტრ გიორგი მღებრიშვილთან შეხვედრაზე აშშ-ს სახელმწიფო მდივნის თანაშემწის მოადგილემ ჯეიმს ვოლშმა განაცხადა."- წერს თალაკვაძე სოციალურ ქსელში.