„დებილი" - რაც მარგველაშვილმა ქართველ ხალხს უწოდა, უფრო მძიმე ფორმაა გონებრივი ჩამორჩენილობისა, ვიდრე „დაუნი", რომელიც მე უნებურად ვახსენე!" - ამის შესახებ საპარლამენტო უმრავლესობის წევრი გოგი თოფაძე „ასავალ-დასავალთან" ინტერვიუში აცხადებს და აქვე აღნიშნავს, რომ არ აინტერესებს, მასზე ვინ რას იტყვის.

„სახალხო დამცველი, ბაბუაჩემი, უცხოეთის ელჩი თუ ნებისმიერი უცხოელი რას იტყვის, სულ არ მაინტერესებს! მე ვამხილე პრეზიდენტი და ვთქვი, თუ რა განწყობა აქვს მარგველაშვილს სინამდვილეში ქართველი ხალხის მიმართ. ქართველი ერი არის უნიჭიერესი ერი და შენი ხალხი, შენი ქვეყანა ასე რატომ უნდა დაახასიათო და „დებილი" უწოდო?! აი, ამაზე გამცეს პასუხი!" - განაცხადა თოფაძემ.

(მოამზადა ნენე სტეფანიშვილმა)

წყარო:   „ასავალ-დასავალი"