მაკა ასათიანი ადვოკატი გიორგი გვენეტაძე ამბობს, რომ ლევან გაჩეჩილაძე შპს „ემ ინვესტმენტის" შენობაში შპს „სტუდია მაესტროს" მართვას ვერ შეძლებს. მისი თქმით, ლევან გაჩეჩილაძე არის შპს „სტუდია მაესტროს" დირექტორი, თუმცა შენობა, რომელშიც ის მისვლას აპირებს, „ემ ინვესტმენტს" ეკუთვნის.

ადვოკატი ჟურნალისტებთან საუბრისას განმარტავს, რომ მაკა ასათიანის სარჩელს, რომლის მოთხოვნაა, შეჩერდეს ახლად შეძენილი 30%-იანი წილის მოქმედება, სასამართლო დღეს 18:00 საათამდე განიხილავს და თუკი სასარჩელო მოთხოვნა დაკმაყოფილდება, ვითარება რადიკალურად შეიცვლება.