„წესით და რიგით, ხიდაშელმა, მინისტრის კაბინეტში კი არა დაკითხვებზე უნდა იაროს, რადგან შარშან, ოქტომბერში, საგარეჯოს რაიონში შუალედური საპარლამენტო არჩევნები გააყალბა", - ამ განცხადებას საპარლამენტო უმრავლესობის წევრი გოგი თოფაძე გაზეთ „საქართველო და მსოფლიოსთან" ინტერვიუში აკეთებს:

„ხიდაშელმა ამ საქმისთვის თავდაცვის სამინისტროს რესურსი გამოიყენა; ესეც არ იკმარა და ბიულეტენების დათვლაში მიიღო მონაწილეობა, ხოლო ამ უმსგავსობის ამსახველი ფოტო სოციალურ ქსელშიც განათავსა.

დღემდე ვერ გამიგია, რასთან გვაქვს საქმე: სიბრიყვესთან თუ თავხედობასთან. ხიდაშელმა თავისი უკანონო ქმედებით მთელ კოალიციას თავი მოსჭრა და ყველაფერი წყალში ჩაგვიყარა", - ამბობს თოფაძე.

წყარო: geworld.ge