„სოლიდაროის ფონდის" წარმომადგენელი ბექა მჭედლიშვილი ფონდის მიერ გაწული დახმარების შესახებ ინფორმაციას ავრცელებს:

„ირაკლი ღარიბაშვილის მიერ დაფუძნებულმა „საქართველოს სოლიდარობის ფონდმა"  2016 წლის 31 იანვრის ჩათვლით საერთო ჯამში 5 704 339 ლარის მობილიზება მოახერხა. უკვე დაფინანსდა 2015 ბავშვისა და 22 წლამდე ახალგაზრდის მკურნალობა.

106 შემთხვევაში ძვირადღირებული დიაგნოსტიკა დაფინანსდა როგორც საქართველოში, ასევე საზღვარგარეთ : გერმანიის, ესპანეთის, თურქეთის, იაპონიის, ისარელის, იტალიისა და საფრანგეთის კლინიკებში..."- აღნიშნავს მჭედლიშვილი.