საქართველოს საპატრიარქოში წმინდა სინოდის სხდომა მიმდინარეობს. სხდომას სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე ხელმძღვანელობს.
მეუფე სერაფიმემ ჟურნალისტებს განუცხადა, რომ წმინდა სინოდის სხდომა მართლმადიდებელი ეკლესიის წმინდა და დიდ კრებაზე განსახილველ საკითხებზე იმსჯელებს.
წმინდა სინოდის გადაწყვეტილება, სავარაუდოდ, დღის ბოლომდე გახდება ცნობილი და წმინდა სინოდის განჩინებას საზოგადოება გაეცნობა.
საქართველოს მართლმადიდებელი ეკლესიის წმინდა სინოდი წელიწადში ორჯერ იკრიბება და ეკლესიისთვის მნიშვნელოვან საკითხებს განიხილავს.
მართლმადიდებელი ეკლესიის წმინდა და დიდი კრება კუნძულ კრეტაზე 16-27 ივნისს უნდა გაიმართოს. აღნიშნული კრების დღის წესრიგის შესათანხმებლად ჟენევაში, შამბეზში 22-27 იანვარს მართლმადიდებელ ეკლესიათა მეთაურების შეხვედრა ჩატარდა. შეხვედრის შემდეგ საქართველოს საპატრიარქოში განაცხადეს, რომ წმინდა და დიდ კრებაში გასატანი ყველა დოკუმენტი გასაჯაროვდებოდა.
