უნდა განხორციელდეს თუ არა საკონსტიტუციო შესწორება და ოჯახი განისაზღვროს, როგორც ქალისა და მამაკაცის ერთობა - ამ შეკითხვით „რეპორტიორმა" თბილისის საკრებულოს წევრს ჯაბა სამუშიას მიმართა. მისი თქმით, ოჯახი არა მხოლოდ ქალისა და კაცის ერთობაა, არამედ ეს არის დედა, მამა და შვილი და გარკვეული თანაფარდობა უნდა არსებობდეს.
„ოჯახი ქალისა და მამაკაცის ერთობაა და ეს არ არის მხოლოდ დღევანდელი ფასეულობა, ოდითგანვე ასე იყო. აღნიშნულ თემასთან დაკავშირებით, ვინც აზრი გამოთქვა, მინდა, შევახსენო, რომ ოჯახი არა მხოლოდ ქალისა და კაცის ერთობაა, არამედ ეს არის დედა, მამა და შვილი, უნდა არსებობდეს გარკვეული თანაფარდობა. აქედან გამომდინარე, რა თქმა უნდა, კონსტიტუციაში უნდა ჩაიწეროს, რომ ოჯახი ქალისა და კაცის ერთობაა. ანტიკური პერიოდის რომშიც კი, სადაც ერთსქესიანთა ურთიერთობა ჩვეულებრივი მოვლენა იყო, ოჯახის ფენომენი არ ავიწყდებოდათ და ეს მხოლოდ ქალისა და კაცის ურთიერთობას ერქვა", - განაცხადა ჯაბა სამუშიამ.
