იურისტი ვალერი გელბახიანი სასკოლო პროგრამაში ახალი საგნის „მე და საზოგადოება" შეტანის წინააღმდეგია. „რეპორტიორთან" საუბრისას ის ამბობს, რომ ქართველი ხალხის ისტორიული ცნობიერება და რელიგიური მორალი აბსოლუტურად შეუთავსებელია ამ იდეასთან.

„არის ქვეყნები, სადაც მსგავსი საგნები ისწავლება, მაგრამ ისეთ ქვეყანაში, სადაც ტრადიციები და ისტორიულად ჩამოყალიბებული ცნობიერებაა,  მსგავსი საგნის შეტანა სკოლებში არ არის მართებული. არ შეიძლება, მივბაძოთ ისეთ ქვეყნებს, რომლებსაც არ აქვთ ტრადიციები, მათ განათლება და მსოფლმხედველობა სხვა სისტემაზე აქვთ აგებული.

მე არ ვემხრობი ამ საგნის სკოლაში სწავლას, რადგან ეს არ არის ჩემი ქვეყნის საზოგადოების მოთხოვნა. თუ ვინმეს უნდა სწავლა, არსებობს სახელმძღვანელოები და შეუძლია ისწავლოს, მაგრამ ოფიციალურად სასკოლო პროგრამაში არ უნდა იყოს შეტანილი.

ქართველი ხალხის ისტორიული ცნობიერება და რელიგიური მორალი აბსოლუტურად შეუთავსებელია ამ იდეასთან. ეს იმას ნიშნავს, რომ ვინც ეს პროექტი წამოიწყო, ქართველ საზოგადოებას არ სცემს პატივს", - ამბობს გელბახიანი.

ამასთან, იხილეთ განათლების სამინისტროს განცხადება: http://reportiori.ge/inside.php?menuid=3&id=88685