„სააკაშვილის ამნისტიას ერთი და ორი პიროვნება ვერ გადაწყვეტს, ყველაფერი ისე გადაწყდება, როგორც ჩვენი საზოგადოება მოისურვებს.,, - განაცხადა ბიძინა ივანიშვილმა.
პრემიერმა, პრეზიდენტ სააკაშვილის ხელშეუხებლობასთან დაკავშირებით, დავით უსუფაშვილის კანონპროექტის მომზადების შესახებ ინფორმაციას, მოგონილი უწოდა. ივანიშვილის თქმით, საზოგადოების მიღმა არაფერი მოხდება, ამას არც პირადად დაუშვებს და არც ხელისუფლება იკადრებს.
"ვერავინ გაბედავს და ვერ გადაწყვეტს, სააკაშვილზე ამნისტია იქნება ეს თუ ზოგადად, ვისაც არ უნდა ეხებოდეს ეს, გადაწყდეს გარეთ, ან ეს გადაწყვიტოს ერთმა ან ორმა პიროვნებამ. ეს ყველაფერი გადაწყდება და გაკეთდება ისე, როგორც ჩვენს საზოგადოებას მოესურვება და საზოგადოების ამ ლეგიტიმაციას გავაღრმავებთ", - აღნიშნა ბიძინა ივანიშვილმა.
მისივე თქმით, ყველაფერი, რასაც ხელისუფლება გააკეთებს, გასაგები იქნება და ნებისმიერი გადაწყვეტილება იმ შემთხვევაში იქნება მიღებული, თუ ის საზოგადოებისთვის იქნება მისაღები.
