მთავრობას ახალი ვიცე-პრემიერი ჰყავს. ამ თანამდებობას დღეიდან ეკონომიკის მინისტრი, გიორგი კვირიკაშვილი დაიკავებს. ამის შესახებ დღეს პრემიერ-მინისტრმა, ბიძინა ივანიშვილმა მთავრობის სხდომაზე განაცხადა. ვიცე- პრემიერის თანამდებობაზე გიორგი კვირიკაშვილმა განათლების ყოფილი მინისტრი, გიორგი მარგველაშვილი შეცვალა. კვირიკაშვილის წარდგენას მთავრობის წევრები აპლოდისმენტებით შეხვდნენ. მათთვის, ისევე როგორც ახალი ვიცე-პრემიერისთვის, ეს გადაწყვეტილება სიურპრიზი იყო.

 „თვითონ გიორგისთვისაც სიურპრიზი იყო. ამ დილით მოვახერხე  ამ ინფორმაციის მისთვის გაცნობა",- აღნიშნა პრემიერმა.

 კანცელარიაში მთავრობის სხდომა ამ წუთებშიც გრდძელდება.