სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ მრევლს მეტი სიკეთის კეთებისაკენ მოუწოდა და ლოცვისას საზოგადოებას მიმართა, რომ იფიქრონ იმაზე, თუ რა უნდა გააკეთონ ქვეყნისათვის და მომავალი თაობისათვის.
"ადამიანის ბედი ბევრად დამოკიდებულია იმაზე, თუ რას აკეთებს ის. ამერიკას ჰყავდა უდიდესი პრეზიდენტი, ჯონ კენედი. მას ნათქვამი აქვს ისტორიული სიტყვები - "ჩვენ ნუ ვიკითხავთ იმას, თუ რა უნდა გააკეთოს ამერიკამ ჩვენთვის, ვიკითხოთ, ჩვენ რა უნდა გავაკეთოთ ამერიკისთვის". ეს გასაოცარი მაგალითია. დღეს, როცა ქვეყანაში ყველაფერი შეიცვალა, ქვეყანა მიდის სიმშვიდისკენ, ჩვენ ვიფიქროთ იმაზე, თუ რა უნდა გავაკეთოთ ჩვენი ქვეყნის, ჩვენი ხალხისთვის და ყველაფრისათვის. ადამიანმა უნდა აირჩიოს თავისი გზა და ეს გზა აუცილებლად უნდა მივიდეს ღმერთთან", - ბრძანა ილია მეორემ სვეტიცხოვლის საკათედრო ტაძარში ქადაგებისას.
