„უკრაინის ხელისუფლება მოლაპარაკებების დასაწყებად მზადყოფნას გამოთქვამს", - ამის შესახებ უკრაინის  პრემიერ-მინისტრმა, სერგეი არბუზოვმა განაცხადა. მისი თქმით,  კრიზისიდან გამოსავლის ერთადერთი გზა დიალოგია. არბუზოვმა უკრაინაში არც ვადამდელი საპარლამენტო და საპრეზიდენტო არჩევნების ჩატარება გამორიცხა.

უკრაინის პრემიერ-მინისტრი მშვიდობიან დემონსტრანტთა დარბევის გამოძიების პირობასაც იძლევა. მისი თქმით, საგამოძიებო კომისიაში ოპოზიციის ლიდერებიც შევლენ.

პოლიტიკურ კრიზისზე და დიალოგის აუცილებლობაზე საუბრობენ უკრაინის ყოფილი პრეზიდენტებიც. ლეონიდ კუჩმას, ლეონიდ კრავჩუკისა და ვიქტორ უიშენკოს ერთობლივი განცხადების მიხედვით, უკრაინა მძიმე პოლიტიკურ კრიზისშია, რაც ქვეყნის დამოუკიდებლობასა და ტერიტორიულ მთლიანობას საფრთხეს უქმნის.