საქართველოს ნაკრების მთავარი მწვრთნელი თემურ ქეცბაია ნაკრებს სავარაუდოდ, ორ წელიწადში დატოვებს. ამის შესახებ თემურ ქეცბაიამ უცხოურ მედიასთან ინტერვიუში ისაუბრა.

„მივიღე გადაწყვეტილება და საქართველოს ეროვნულ ნაკრებში ეს ორი წელიწადი ჩემთვის ბოლო იქნება. მერე კი ვნახოთ, რა იქნება", - განაცხადა ეროვნული ნაკრების მთავარმა მწვრთნელმა.

რაც შეეხება მის კარიერაზე კითხვას, ქეცბაიამ განაცხადა, რომ ადრე, 24 საათის განმავლობაში ფეხბურთში იყო ჩაფლული.

„ახლა კი სანაკრებო მატჩები 1-2 თვეში ერთხელ გვიწევს. დატვირთვა ძალიან მიყვარს, თუმცა ადამიანურ ნორმებში", - აღნიშნა ქეცბაიამ.