ენერგეტიკის მინისტრმა კახა კალაძემ აზერბაიჯანულ კომპანია "სოკარ-ჯორჯია გაზის" წარმომადგენლებთან ერთად გურჯაანის რაიონის სოფელ კოლაგში ახლად აშენებული გაზსადენი გახსნა.

„გურჯაანის მუნიციპალიტეტში სრულად გაზიფიცირებულია ქალაქი გურჯაანი და ცხრა სოფელში აშენდა 144 კილომეტრის სიგრძის გაზსადენი, რაც რაიონში მცხოვრებ 7 ათას ოჯახს ბუნებრივი აირით მოამარაგებს. ამ ეტაპზე სამშენებლო და სამონტაჟო სამუშაოები სოფელ ახაშენი, შაშიანში და ვაზისუბანში მიმდინარეობს, დაგეგმილია 24 კილომეტრის გაზსადენის მშენებლობა და 1000 ოჯახის გაზიფიცირება", - განაცხადა ენერგეტიკის მინისტრმა. 

კალაძის განცხადებით, დღეისთვის, კახეთის რეგიონში უკვე აშენებულია 913 კილომეტრის საშუალო წნევის გაზსადენი და გაზიფიცირებულია 39500 აბონენტი.