ქუთაისის მერმა შოთა მურღულიამ ქუთაისის აეროპორტის თანამშრომლებს ავიაციის საერთაშორისო დღე მიულოცა. მან დავით აღამაშენებლის სახელობის საერთაშორისო აეროპორტში დასაქმებულ ვეტერან თანამშრომლებს მფრინავების შესახებ გამოსული წიგნები გადასცა.

„დღეს ავიაციის საერთაშორისო დღეა და დავით აღმაშენებლის სახელობის აეროპორტში დასაქმებულებს მივულოცე ეს დღე, ასევე დავინტერესდი თუ როგორ მუშაობს აეროპორტი, რამდენად დიდია მგზავრთა ნაკადი და რამდენად იყენებენ ტურისტები მხარეში ჩამოსასვლელად აღნიშნულ აეროპორტს", - განაცხადა მურღულიამ.

შეგახსენებთ, რომ ქუთაისში დავით აღმაშენებლის სახელობის აეროპორტი ექს-პრეზიდენტმა მიხეილ სააკაშვილმა გასულ წელს გახსნა.