ბათუმის მაშტაბით საბავშვო ბაღების მუშაობა უამინდობის გამო შეწყდა. ამის შესახებ „რეპორტიორს" ბათუმის საბავშვო ბაღების გაერთიანების დირექტორმა ნინო მკერვალიშვილმა განუცხადა.

მისი განცხადებით, იმის გამო, რომ ბაღებს ელექტროენერგია არ მიეწოდებათ, ბავშვების ჯანმრთელობის უსაფრთხოების დასაცავად, ბაღები  დროებით არ იმუშავებს.

„რადგან ცუდი ამინდია მოსალოდნელი და შესაძლოა, ბაღები სტაბილურად არ იყოს ელექტროენერგიით უზრუნველყოფილი, მათი ჯანმრთელობის უსაფრთხოებიდან გამომდინარე, ბაღები არ იმუშავებს", - განაცხადა ნინო მკერვალიშვილმა.