თვითმმართველობის კანონპროექტის შესახებ პატრიარქის განცხადების გამო ატეხილ აჟიოტაჟს გაზეთი „კვირის ქრონიკა" ვრცელ სტატიას უძღვნის. სტატიის ავტორი წერს, რომ პატრიარქის განცხადება რომ არ ყოფილიყო, ამ კანონპროექტს ისე მიიღებდნენ დეპუტატები, შიგნით არც კი ჩაიხედავდნენ.
ავტორი პატრიარქთან შეხვედრის დეტალებზეც წერს.
„პატრიარქს პირდაპირ უთქვამს უსუფაშვილისთვის - დავით ნარმანიას კანონპროექტის ამგვარი სახით დამუშავება „რესპუბლიკელებმა" დაუკვეთეთ, მეტიც, თქვენი პარტიის წევრები უშუალოდ მუშაობდნენ მასზე და მეშვიდე კარი, ნარმანიას სამინისტროს დაწერილი კი არა, თქვენი დაწერილიაო. ისიც უთქვამს, საიდან იცოდა. უსუფაშვილი გაჩუმებულა, ვერ შედავებია პატრიარქს. დავით ნარმანის შესახებ კი პატრიარქს უთქვამს - მაგან თუ ასე გააგრძელა, „ქართული ოცნების" მხარდაჭერა ვერ უშველის თბილისის მერის არჩევნებშიო", - აღნიშნულია სტატიაში.
