აჭარის საგანგებო და გადაუდებელი სიტუაციების მართვის სააგენტოს უფროსის მოვალეობის შემსრულებელის მამუკა თურმანიძის განცხადებით, აჭარის სანაპიროებზე 6 ბალიან შტორმს ელოდებიან. როგორც თურმანიძემ „რეპორტიორს" განუცხადა, მოსალოდნელია ასევე ძლიერი წვიმა და ქარი.

მისივე თქმით, აჭარის საგანგებო და გადაუდებელი სიტუაციების მართვის სააგენტოში სრული მობილიზებაა და ჯგუფები უკვე ქალაქში პატრულირებენ.

„დღეს ტემპერატურის მკვეთრი ვარდნაა მოსალოდნელი. 6-ბალიან შტორმს ველოდებით, ასევე მოსალოდნელია ძლიერი წვიმა და ქარი. რაც შეეხება მცურავ საშუალებებს, იახტკლუბებშია გადაყვანილი და საფრთხე არ არსებობს", - განაცხადა თურმანიძემ.