„ღია გარემოსდაცვითი სამოქალაქო ინიციატივის" ინფორმაციით, ცაგერის რაიონის სოფლების მოსახლეობის ნაწილი უშეშოდაა დარჩენილი. ორგანიზაციის ადგილობრივი კოორდინატორის ნანა  სოხაძის განცხადებით, უამინდობის გამო, მანქანა გამოყოფილ ტყეკაფებამდე ვეღარ შედის, რის გამოც შეშის გამოტანა ვეღარ ხერხდება.

როგორც ადგილობრივი მოსახლეობა აცხადებს, თოვლის გამო გამოყოფილ ტყეკაფებამდე მისვლა გაზაფხულამდე შეუძლებელია.

„გამოსავალი უახლოეს ტყეში ალტერნატიული ტყეკაფების გამოყოფაა, საიდანაც შეშას ხარებით გამოიტანენ", - აცხადებენ ადგილობრივები.

რეგიონული სატყეო სამსახურის ცნობით, უშეშოდ ორბელისა და ლაჯანას მოსახლეობის 7-8%-ია დარჩენილი.