მთავარი პროკურორი, არჩილ კბილაშვილი 17 მაისის აქციის მონაწილე ორი სასულიერო პირის, სამების ტაძრის არქიმანდრიტ, მამა ანთიმოზ ბიჩინაშვილსა და იოანე-თორნიკე ერისთავის სახელობის დედათა მონასტრის იღუმენ, მამა იოთამ ბასილაიას სასამართლო პროცესს ეხმაურება. "თუ პირმა დანაშაული ჩაიდინა, ის უნდა იქნას ამისთვის გასამართლებული, არ აქვს მნიშვნელობა სასულიერო პირია, თუ საერო მოღვაწე. როდესაც ბრალდება წარდგენილია სასულიერო პირის მიმართ, სენსიტიურობა მატულობს, მაგრამ ამის ხარჯზე არ შეიძლება, სტანდარტის დარღვევა და უთანასწორო პოზიციის დამკვიდრება. აქედან გამომდინარე, რაც ღია-გამჭვირვალე სასამართლო განხილვის შედეგად დადგინდება, ის შედეგი იქნება ყველას მიერ გაზიარებული",-განაცხადა კბილაშვილმა. სასულიერო პირების სასამართლო პროცესი საქალაქო სასამართლოში დღეს 14:00 საათისთვის არის ჩანიშნული.