რუსთავში, გარდაბნის გზატკეცილის მიმდებარე ტერიტორიაზე, № 78 სკოლის შენობიდან, სოხუმიდან დევნილ 30-მდე ოჯახს ასახლებენ. დევნილების განმარტებით, ისინი სკოლის შენობაში უკვე ცხრა თვეა, რაც ცხოვრობენ. ორი დღის წინ, მათ გასახლების შესახებ გაფრთხილება მიიღეს, მაგრამ, რადგან წასასვლელი არსად აქვთ, შენობას ვერ ათავისუფლებენ. დევნილების განცხადებით, შენობა გაყიდულია და მათი გასახლების გადაწყვეტილება მეპატრონემ მიიღო. დევნილთა 30-მდე ოჯახი, მათ შორის მცირეწლოვანი ბავშვები, გამოსახლების შემთხვევაში, ღია ცის ქვეშ რჩებიან. ისინი დახმარებას ლტოლვილთა და განსახლების სამინისტროსგან ითხოვენ.