ქუთაისის მერიიდან გათავისუფლებული თანამშრომელების საჩივრების განხილვა ქუთაისის საქალაქო სასამართლოში 12 აგვისტოდან დაიწყება. ყოფილი თანამშრომლების ინტერესებს „საერთაშორისო გამჭირვალობა საქართველო" დაიცავს. ორგანიზაციაში აცხადებენ რომ აღნიშნულ პირთა გათავისუფლება კანონის დარღვევით მოხდა.
„ სამართლებრივი დარღვევები არის. ჩვენ შევიტანეთ საჩივარი საქალაქო სასამართლოში სადაც ყველა სახის დარღვევა დასაბუთებულია. მოტივი რაც მათ ჩაუწერეს, „რეორგანიზაციის დროს შტატების შემცირება"- არასამართლიანია."- აცახდებს „საერთაშორისო გამჭირვალობა საქართველოს" წარმომადგენელი, თეონა ზაქარეიშვილი.
შეგახსენებთ, რომ ქუთაისის მერიაში სტრუქტურული რეორგანიზაცია 17 მაისს დაიწყო, რის შემდეგაც თანამდებობიდან მერიის 75 თანამშრომელი გათავისუფლდა. რიგითი თანამშრომლებისთვის მიზეზად რეორგანიზაცია, ვიცე მერების შემთხვევაში კი სამსახურეობრივი მოვალეობის უხეში დარღვევა დასახელდა.
