მამა გაბრიელის წმინდა ნაწილები სამების საკათედრო ტაძარში შესაძლოა 23 მარტის შემდეგაც დარჩეს. ამის შესახებ „რეპორტიორს" საპატრიარქოს პრესამსახურში განუცხადეს.
„მრევლის დიდი ნაკადის გამო ერთი კვირა კიდევ უნდა დარჩენილიყო სამების საკათედრო ტაძარში მამა გაბრიელისწმინდა ნაწილები, მაგრამ ჯვართაყვანისცემის კვირას, პატრიარქის ქადაგება იქნება და სწორედ ამ ქადაგებისას გაირკვევა,ზუსტად როდის მოხდება მამა გაბრიელის ნეშტის გადასვენება“, - განცხადა „რეპორტიორთან" საუბარში საპატრიარქოსპრესსამსახურის წარმომადგენელმა სოსო ტყებუჩავამ.
ასევე, პატრიარქის მდივანი, დეკანოზი მიქაელ ბოტკოველი არ გამორიცხავს, რომ მამა გაბრიელის წმინდა ნაწილები 23 მარტის შემდეგაც დარჩეს სამების საკათედრო ტაძარში და ეს დამოკიდებული იქნება მრევლის სურვილზე.
„თუ ეს რიგები არ შეწყდა, ვუშვებთ, რომ მრევლს კიდევ მიეცემა საშუალება მამა გაბრიელის წმინდა ნაწილები მოილოცონ“, - აცხადებს დეკანოზი მიქაელი.
