შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა პაატა ზაქარეიშვილმა ზუგდიდის რაიონის სოფელ ხურჩაში საქართველოს საჰაერო სივრცის უკანონოდ დარღვევათან დაკავშირებით კომენატარი გააკეთა.
როგორც მინისტრმა აღნიშნა აღნიშნული ქმედება რუსეთის მხრიდან მორიგი პროვოკაციაა.
„ აშკარა პროვოკაციაა, ბუნებრივია და საჭიროა პროვოკაციას შესაბამისად ვუპასუხოთ, არა აგრესიულად, არა ისე როგორც რუსები თვლიან ამას, არამედ, ისე როგორც სახელმწიფო ინტერესებს შეესაბამება. საჰაერო საზღვარი ეხება შესაბამის სამსახურებს და ჯერ მათ უნდა მოახდინონ რეაგირება, ძალიან გამიჭირდება ამ წუთში გიპასუხოთ თუ რა ხდება საჰაერო საზღვარზე ეს არ არის ჩემი კომპეტენცია", - განაცხადა ზაქარეიშვილმა.
რამდენიმე წუთის წინ გავრცელდა ინფორმაცია, რომ ზუგდიდის რაიონის სოფელ ხურჩაში ოკუპირებული აფხაზეთის მხრიდან რუსული თვითმფრინავი შემოფრინდა.
