პოლონეთის ნაკრების ფორვარდმა რობერტ ლევანდოვსკიმ დორტმუნდის „ბორუსიადან" მიუნხენის „ბაიერნში" გადასვლასთან დაკავშირებით კომენტარი გააკეთა.

მიუნხენელთა გარდა, ბუნდესლიგის საუკეთესო ბომბარდირთან დაკავშირებით ინტერესს მადრიდის „რეალიც" იჩენდა, თუმცა რობერტმა ჯერ კიდევ 1 წლის წინ არჩია „ბაიერნი".

„რა თქმა უნდა, ნებისმიერი ფეხბურთელისთვის პატივია „რეალის" ყურადღების მიპყრობა, თუმცა ჩემთვის პირველ ადგილზე „ბაიერნია".

ეს ჩემთვის იდეალური ადგილი და საუკეთესო კლუბია, სადაც შევძლებ გადავდგა შემდეგი ნაბიჯი ჩემს კარიერაში. დრო არ დამჭირდება ადაპტაციისთვის, რადგან დარწმუნებული ვარ ჩემს გერმანულში და კარგად ვიცნობ ბუნდესლიგას. ეს ყოველივე ხელს შემიწყობს. ეჭვი არ მეპარება, რომ კლუბს ტიტულის მოპოვებაში დავეხმარები", - განაცხადა ლევანდოვსკიმ.