რომაული „არწივების“ ნახევარმცველი ჯოზეფ მინალა ნამდვილად 17 წლისაა. დამოუკიდებელი მედია-გამომცემლობები ადასტურებდნენ, რომ კამერუნელი 42 წლის იყო და არა 17-ის, როგორც მის პასპორტში ეწერა. იტალიური ფეხბურთის ფედერაცია ამ საკითხით დაინტერესდა და აღნიშნული საკითხის გამოძიება დაიწყო.

„ფედერალურმა პროკურორმა განიხილა და დახურა საქმე“, - იუწყება ფეხბურთის ფედერაცია.

ეჭვი არცთუ უსაფუძვლო გახლდათ, ვინაიდან მინალას გარეგნობა და სათამაშო ტემპი ნამდვილად არ შეეფერება 17 წლის ახალგაზრდას, თუმცა როგორც ირკვევა, ეს კურიოზული ინფორმაცია არ დადასტურდა, „ლაციო“ კი კამერუნელის პროგრესის მოლოდინშია.