ცხოვრების 87-ე წელს გარდაიცვალა „მანჩესტერ იუნაიტედის“ მფლობელი მალკოლმ გლეიზერი. მას „მანიუს“ საკონტროლო პაკეტები ეკუვთნოდა.

მანჩესტერული კლუბის მფლობელი გლეიზერი 2005 წელს გახდა. მას შემდეგ კლუბმა ინგლისის 5 საჩემპიონო ტიტული და ჩემპიონთა თასი მოიპოვა. მიუხედავად ამისა, იგი „წითელი ეშმაკების“ გულშემატკივრებში პოპულარობით ნამდვილად არ სარგებლობდა, რადგან მისი მოსვლის შემდეგ კლუბი ვალებში გადავარდა.

მალკომ გლეიზერის შემდეგ დარჩნენ მეუღლე, ექვსი შვილი და თოთხმეტი შვილიშვილი. სწორედ მათ მფლობელობაში გადავიდა „მანჩესტერ იუნაიტედი“.