დღეს, შვეიცარიაში, საქართველოს 19-წლამდე ნაკრები ელიტრაუნდის გადამწყვეტ მატჩს ისრაელის წინააღმდეგ გამართავს. შეგახსენებთ, რომ ორივე ნაკრებს 6-6 ქულა აქვს, თუმცა დამატებითი მაჩვენებლებით ჩვენებურები ჯერჯერობით პირველ ადგილს იკავებენ. საქართველოს ნაკრებს ევროპის ჩემპიონატზე გასასვლელად ფრეც აძლევს ხელს.
ვასილ მაისურაძის შეგირდებმა დღეს, ნიონში, ბოლო ვარჯიში ჩაატარეს. სამწუხაროდ 2 დღეა არ უვარჯიშია ლევან შენგელიას, რომელსაც კვიპროსთან თამაშის შემდეგ სიცხე ჰქონდა და მხოლოდ დღეს გახურდა ვარჯიშზე. ტრავმა აწუხებს გიორგი აბურჯანიას და მისი მოედანზე გამოჩენა კითხვის ნიშნის ქვეშ დგას. ყველა სხვა ფეხბურთელი სრულიად ჯანმრთელია და მოუთმენლად ელის ისრაელთან დაპირისპირებას.
უნდა აღინიშნოს, რომ სამწუხაროდ ვერ ხერხდება მატჩის ტრანსლირება, რადგან შვეიცარიული მხარე მატჩის გადაღებას არ აპირებს.
