ბერძენი ფორვარდი თავის ნაკრებთან ერთად მსოფლიო ჩემპიონისთვის მზადებას გადის, თუმცა საკლუბო კარიერა მას მოსვენებას არ აძლევს, რადგან მისი „სელტიკთან" გაფორმებული კონტრაქტი დასასრულს უახლოვდება.

Sport Bild-ის ინფორმაციით, ერთ-ერთი კლუბი რომელიც თავდამსხმელისადმი ინტერესს ავლენს გერმანული „ჰამბურგია", რომელმაც ძლივს შეინარჩუნა ადგილი ბუნდესლიგაში.

მოვლენათა ამგვარი განვითარება ყველაზე ნაკლებადაა მოსალოდნელი სამი მიზეზის გამო:

1) სამარასი თავდავიწყებითაა შეყვარებული თავის კლუბზე და ჟურნალისტებთან საუბრისას მუდამ უსვამს ხაზს, თუ რაოდენ დიდ სიყვარულს გრძნობს გლაზგოელი გულშემატკივრის მხრიდა;

2) ბერძენის მისამართით ინტერესს ჯერ კიდევ ზამთარში ავლენდა მადრიდის „ატლეტიკოს" თავკაცი დიეგო „ჩოლო" სიმეონე, ახლა კი რეორგანიზაციას განიცდის და სავსებით დიდია სამარასის წითელ-თეთრების მაისურით ხილვის ალბათობა;

3) სამარასო არასდროს მალავს, რომ მისთვის პრესტიჟულ ტურნირებზე ასპარეზობა პრიორიტეტულია. გლაზგოს „სელტიკის" რიგებში იგი წლებია ჩემპიონთა ლიგაზე ასპარეზობს, სადაც ნამდვილად შეიძლება ითვას რომ ბრწყინავს. ამ ეტაპზე „ჰამბურგთან" ერთად ჩემპიონთა ლიგაზე გასვლა კი ლოგიკასაა მოკლებული.

სამარასი „სელტიკის" მაისურით 2008 წლიდან ასპარეზობს. აქამდე იგი „მანჩესტერ სიტისა" და „ჰერენვენში" თამაშობდა.