გადაწყვეტილია, რომ თბილისის „დინამოს" მიხალ ბილეკი გაწვრთნის. ჩეხმა სპეციალისტმა კლუბთან ერთწლიანი კონტრაქტი გააფორმა. ჩეხური საინფორმაციო საშუელება Idnes-ის ცნობით, იგი „დინამოში" წელიწადში 8 000 000 ჩეხურ კრონას გამოიმუშავებს, რაც 300 000 ევროს ტოლფასია, ანუ ბილეკის თვიური ანაზღაურება 25 000 ევრო იქნება.

წყაროს ინფორმაციით, ჩეხეთის ნაკრებში ბილეკი წლიურად 5 000 000 კრონას (წელიწადში 185 000 ევროს, თვეში 15 500 ევროს) იღებდა.

ბილეკი ჩეხეთის ეროვნულ ნაკრებს 4 წლის განმავლობაში ხელმძღვანელობდა, გუნდი ევრო 2012-ის მეოთხედფინალში გაიყვანა, თუმცა 2014 წლის მუნდიალის შესარჩევ ეტაპზე ნაკრები მესამე ადგილზე გავიდა და ბრაზილიის საგზური ვერ მოიპოვა.

თბილისის „დინამო" ახალ მწვრთნელს 6 ივნისს წარადგენს.