დორტმუნდის „ბორუსიას" ნახევარმცველმა მარკო როისმა თავისი კოლეგების აღიარება დაიმსახურა.

გამოკითხვაში გერმანიის სამივე დივიზიონის ფეხბურთელები იღებდნენ მონაწილეობას. როისმა ხმების 28,6 პროცენტი დააგროვა. მეორე ადგილი მისმა ყოფილმა თანაგუნდელმა რობერტ ლევანდოვსკიმ დაიკავა (20,3%), ხოლო მესამე ადგილი „ბაიერნის" ნახევარმცველ არიენ რობენს (10,1%) ხვდა წილად.

საუკეთესო მწვრთნელად ფეხბურთელებმა „აუგსბურგის" თავკაცი მარკუს ვაინცირლი დაასახელეს. მეორე ადგილი ბუნდესლიგის ჩემპიონმა და გერმანიის თასის მფლობელმა ხოსეპ გვარდიოლამ დაიკავა.