რობერტ ლევანდოვსკის წასვლის შემდეგ, დორტმუნდის „ბორუსიამ“ უკვე მოასწრო ორი ფორვარდის გაფორმება: ადრიან რამოსისა და ჩირო იმობილეს. როგორც ჩანს იურგენ კლოპი კვლავ „გლადიატორული“ გუნდის აწყობას აპირებს.

„იმობილე იდეალურად ჯდება ჩვენს მოთხოვნებში როგორც ასაკით, ასევე სათამაში მონაცემებით. ჩირო ძლიერი ფორვარდია, რომელსაც რამდენიმე პოზიციაზე თამაში შეუძლია.

მას კიდევ შეუძლია თავისი საფეხბურთო დონის ამაღლება, რაშიც ჩვენ დავეხმარებით.

იმობილე ნამდვილი მეომარია და ვაპირებ რომ სწორად გამოვიყენო მისი ყველა თვისება. მას ბევრი ვარიანტი ჰქონდა, თუმცა „ბორუსია“ აირჩია“, - განაცხადა იურგენ კლოპმა.

თავდამსხმელის სანაცვლოს გერმანულმა კლუბმა 19,5 მილიონი ევრო გაიღო.