მსოფლიო ჩემპიონატის დაწყებამდე ბრაზილიის ნაკრებისა და კატალონიური „ბარსელონას“ ფორვარდმა ნეიმარმა თავის სათამაშო ფორმასთან დაკავშირებით ორიოდე სიტყვა თქვა.

„ბოლომდე მზად არ ვარ. ფიზიკური ფორმა უნდა გავიუმჯობესო, რადგან უკანასკნელი მატჩის ბოლო წუთებში საგრძნობლად დავიღალე. კარგი იქნებოდა, რომ ტურნირის დაწყებამდე უფრო მეტი პრაქტიკა მიგვეღო. შეხვედრა ცუდად დავიწყეთ, რადგან ცუდი მოედანი იყო. მიუხედავად ყველაფერისა, საჭირო ტემპის დაჭერა შევძელით.

დარწმუნებული ვარ, რომ მსოფლიო ჩემპიონატის დაწყებისთვის კარგ ფორმაში ვიქნებით. საბედნიეროდ, ჩვენს განკარგულებაში დრო კიდევ რჩება“, - აღნიშნა ნეიმარმა.

შეგახსენებთ, რომ ბრაზილიის ნაკრებმა პანამასთან ამხანაგური მატჩი გამართა და მეტოქეს გამანადგურებელი ანგარიშით - 4:0 სძლია.