პანამასთან გამართული ამხანაგური შეხვედრის შემდეგ, ბრაზილიის ნაკრების თავკაცმა ლუის ფილიპე სკოლარიმ კომენტარი გააკეთა, სადაც სუსტ მხარეებზე ისაუბრა.

შეგახსენებთ, რომ ბრაზილიელებმა უპრობლემოდ დაჯაბნეს მეტოქე, რომლის კარშიც ოთხი უპასუხო გოლი გაიტანეს, თუმცა სკოლარიმ დაინახა რამდენიმე მომენტი, რომელზე მუშაობაც აუცილებელია.

„ჯერ კიდევ არის რამდენიმე პრობლემური ფაქტორები, რომელთა გამოსწორებაც აუცილებელია. ჩვენ უფლებას ვაძლევდით მეტოქეს კონტრშეტევები განეხორციელებინა. მე ეს მომეწონა. გუნდს შეუძლია წყნარად გაიტანოს ერთი-ორი გოლი, მაგრამ ასევე თავდაჯერებულები უნდა ვიყოთ დაცვაშიც. ამ შემთხვევაში აუცილებლად გავიმარჯვებთ.

შემიძლია ვთქვა, რომ ჩვენი თამაში უმჯობესდება, მაგრამ წინ კიდევ გრძელი გზა გველის", - განაცხადა სკოლარიმ.