ცხინვალის „სპარტაკისა" და საქართველოს ეროვნული ნაკრების მცველი ლევან კაკუბავა ნიქოზიის „ომონიაში" ჩაირიცხა. როგორც ირკვევა, 23 წლის მცველმა კლუბთან ორწლიანი კონტრაქტი გააფორმა.
„ერთი თვით ადრე ვიცოდი, რომ „ომონიას" წარმომადგენლები ჩემით იყვნენ დაინტერესებულნი. ისინი საქართველოში მცველს ეძებდნენ და ჩემმა აგენტმა შესთავაძა ჩემი ვარიანტი. აქვე აღვნიშნავ, რომ ამ საქმეში დიდი წვლილი ეროვნული ნაკრების მთავარ მწვრთნელ თემურ ქეცბაიას მიუძღვის", - განაცხადა კაკუბავამ.
ქართული ფეხბურთის აქტიურ გულშემატკივარს კარგად ახსოვს კაკუბავა თბილისის „დინამოდან". 2011 წელს ევროპის ლიგის უკანასკნელ საკვალიფიკაციო ეტაპზე, სწორედ მან მოცელა საჯარიმოში ეიდურ გუდიონსენი, რომლის თანაგუნდელმაც პენალტი შეასრულა და „დინამო" ევროასპარეზობა გამოთიშა. იმ ავადსახსენებელი დღის შემდეგ კაკუბავამ ძალიან რთული გზა განვლო, თუმცა ახალგაზრდა ფეხბურთელს ყველაფერი ჯერ კიდევ წინ აქვს.
