კლუბები შეთანხმდნენ, რომ „ენფილდზე" ამხანაგურ შეხვედრას გამართავენ. პრემიერლიგის ახალი სეზონის დაწყებამდე 1 კვირით ადრე, 10 აგვისტოს, „ენფილდზე" 2013 წლის ჩემპიონთა ლიგის ფინალისტი დოტრმუნდის „ბორუსია" „ლივერპულს" ესტუმრება.

„ათ წელზე მეტი გავიდა, რაც ბორუსია გვსტუმრობდა. მოუთმენლად ველით ძლიერ მეტოქესთან კვლავ თამაშს.

ორივე გუნდი სეზონისთვის მომზადების პროცესში იქნება, ამიტომაც, ძალების დიდ მატჩში მოსინჯვას შეძლებენ. გამორიცხული არაა, რომ ერთმანეთს შემდეგ ჩემპიონთა ლიგაზე დავუპირისპირდეთ", - განაცხადა „ლივერპულის" კომერციულმა დირექტორმა ბილი ჰოგანმა კლუბის ოფიციალურ ვებგვერდთან საუბრისას.