დღეს დილით, „დინამო“ თბილისის დიღმის სამწვრთნელ ბაზასა და ვიტალი დარასელიას სახელობის საფეხბურთო აკადემიას, კომპანია „ზედაზენის“ მოწვევით თბილისში მყოფი ლეგენდარული გერმანელი ფეხბურთელი - ლოთარ მათეუსი ეწვია.

მათეუსს კლუბის ახალმა გენერალურმა დირექტორმა ლევან ზუხბაიამ და სპორტულმა მენეჯერმა ირაკლი ვაშაკიძემ, „დინამოს“  10-ნომრიანი მაისური გადასცეს. შეხვედრას ასევე ესწრებოდა „დინამო“ თბილისის ახალი მწვრთნელი ჩეხი მიხალ ბილეკი.

აღსანიშნავია, რომ მათეუსი სასიამოვნოდ გაკვირვებული დარჩა ნანახით და „დინამო“ თბილისის საფეხბურთო ინფრასტრუქტურას საუკეთესო შეფასება მისცა.