თბილისის „დინამოს" ახალმა თავკაცმა მიხალ ბილეკმა უკვე დასახა მიზნები - ჩემპიონთა ლიგის, ან ევროპის ლიგის ჯგუფურ ეტაპზე გასვლა.

„ძალიან მიხარია, რომ ასეთ სახელოვან კლუბს ვუხელმძღვანელებ. ჩვენი უახლოესი მიზანი ჩემპიონთა ლიგის, ან ევროპის ლიგის ჯგუფურ ეტაპზე გასვლაა, თუმცა ვხვდებით, რომ ეს ძალიან რთული იქნება.

თბილისის „დინამო" კარგი გუნდია, სადაც მშვენიერი ფუნდამენტია ჩადებული. ვიმედოვნებ, რომ სეზონის დაწყებამდე დარჩენილ დროში შევძლებთ გარკვეული პოზიციების გაძლიერებას. უკვე ვფლობ გუნდის შესახებ წარმოდგენას, მაგრამ ჯერჯერობით არავის გამორჩევა არ მინდა. ყველაფერი ვარჯიშის პროცესში, მოედანზე გამოჩნდება", - ცირიტებს ბილეკის სიტყვებს „უეფას" ოფიციალური ვებგვერდი.