ჯერჯერობით, „მანჩესტერ სიტი" ძირითადი ფეხბურთელების კონტრაქტების გახანგრძლივებითაა დაკავებული. როგორც უკვე ითქვა, სამირ ნასრის, რომლის კონტრაქტიც 2 წელიწადში იწურება, „ქალაქელებმა" ახალი, 5-წლიანი კონტრაქტი შესთავაზეს.

ფრანგი ნახევარმცველი, რომელიც მსოფლიო ჩემპიონატზე არ წაიყვანეს, შვებულებიდან დაბრუნების შემდეგ გააფორმებს დოკუმენტს.

გარდა ამისა, მანჩესტერელთა ხელმძღვანელობამ 5-წლიანი კონტრაქტები შესთავაზა მეკარე ჯო ჰარტს, მცველ ალექსანდრ კოლაროვს და ფორვარდ ედინ ჯეკოს. მოსალოდნელია, რომ ყოველი მათგანი ახალ პირობებს ხელს მოაწერს.

რაც შეეხება ჯეიმს მილნერს, მას არ სურს ახალი შეთანხმების გაფორმება, რადგან კლუბში სათამაშო პრაქტიკის ნაკლებობას განიცდის. გამორიცხული არაა, რომ ნახევარმცველმა „სიტი" დატოვოს.