კატალონიის „ბარსელონასა" და ესპანეთის ეროვნული ნაკრების ნახევარმცველ ჩავის, კონფედერაციის თასის ფინალში ბრაზილიასთან მარცხის შემდეგ (0:3), რევანშის აღება სურს.

„შესაძლოა ყველაფერი მოხდეს. ფეხბურთში ყოველთვის გეძლევა შანსი შური იძიო. იმედი მაქვს, რომ სწორედ ასე მოხდება მსოფლიო ჩემპიონატის მოგვიანებით სტადიებზე. წინა მატჩში ყველაფერი ჩვენს წინააღმდეგ იყო. მეტოქემ არც ერთი შეცდომა არ გვაპატია, მაგრამ ეს კარგი გაკვეთილი იყო და მუნდიალზე ყველაფერი სხვაგვარად იქნება.

ჩვენ ვიცით, როგორი იქნება გამარჯვება და მზად ვიქნებით ბრაზილიასთან შესახვედრად", - განაცხადა ჩავიმ.