ოფიციალური ინფორმაციით, როისს ტრავმის გამო 6-7 თვე რეაბილიტაცია დასჭირდება, რის გამოც, ბრაზილიაში გასამართ 2014 წლის მსოფლიო ჩემპიონატს გამოტოვებს.

„არც კი ვიცი, რა ვთქვა იმისთვის, რომ ჩემი გრძნობები სათანადოდ გამოვხატო. ჩემი ოცნება გათელილია, მაგრამ ახლა ჩვეული კონდიციების აღდგენაზე უნდა ვიფიქრო.

სერიოზული მუშაობა მომიწევს გამოსაჯანმრთელებლად, რადგან კარიერა გრძელდება და იმედია მოედანზე უფრო ძლიერ ფორმაში დავბრუნდები, ვიდრე აქამდე ვიყავი.

ყველაფერს საუკეთესოს ვუსურვებ გერმანიის ნაკრებს. იმედი მაქვს, ისინი ჩემს გარეშეც მიაღწევენ დასახულ მიზანს",- განაცხადა მარკო როისმა.