ინგლისის ნაკრების ყოფილი ნახევარმცველი დევიდ ბექჰემი მიიჩნევს, რომ უეინ რუნის საკუთარი თამაშით დიდი სარგებელი მოაქვს მაშინაც კი, როცა გოლს ვერ იტანს.

„ყოველთვის გვერდში ვუდგავარ რუნის, რადგან იგი დიდი ტალანტი და ინგლისისთვის მნიშვნელოვანი ფეხბურთელია. როცა მოედანზე გამოდის, მუდამ ბოლომდე იხარჯება.

„მანჩესტერ იუნაიტედის" იმ თამაშებში, რომლებიც მინახავს, რუნი მუდამ ბრწყინავს. ხალხი ამბობს, რომ მსოფლიო ჩემპიონატზე ვერ გაიტანა გოლები, მაგრამ ყოველთვის მეტი იყო, ვიდრე ადამიანი, რომელიც გოლებს იტანს. თუ გოლევს ვერ იტანს, მუდამ საგოლე გადაცემებს აკეთებს, ან გუნდისთვის თავდაუზოგავად მუშაობს. ჩემი აზრით, მეტოქეს დიდ პრობლემებს შეუქმნის", - განაცხადა ბექჰემმა Times-თან საუბრისას.