ჰოლანდიის ნაკრების თავდამსხმელის, რობინ ვან პერსის თქმით, იგი მიეჩვია, ყურადღება არ მიაქციოს ჯანმრთელობის გარკვეულ პრობლემებს.

„ვერ ვიხსენებ შეხვედრას ბოლო 6-7 წლის განმავლობაში, რომ რაიმე ტკივილი არ მეგრძნო. საზარდულთან დაკავშირებულ პრობლემებს, ტრავმასაც კი ვერ დავარქმევ. ამასთან დაკავშირებით ბევრი პრობლემა შემექმნა.

საზარდული აღარ მაწუხებს და ვარჯიშზე ბოლომდე ვიხარჯები. ესპანეთთან სათამაშოდ 100%-ით მზად ვარ. მათ კარგი გუნდი ჰყავთ, მაგრამ  არც ჩვენ ჩამოვუვარდებით", - ციტირებს პერსის სიტყვებს Skysports.com.

შეგახსენებთ, რომ ესპანეთი და ჰოლანდია ერთმანეთს 13 ივნისს დაუპირისპირდებიან.