„ქალაქელები" ცენტრის „დაბეტონებას" პორტუგალიელი მცველით აპირებენ. „მანჩესტერ სიტი" პეპეს ვარიანტს მაშინ მიადგა, როცა მანგალასა და მეჰდი ბენატიას გადმობირება ვერ შეძლეს.

ინგლისის ჩემპიონის თავკაცი მანუელ პელეგრინი საკმაოდ კარგად იცნობს „პეპეს" რეალში მოღვაწეობის პერიოდიდან, ამიტომაც, ჩილელმა სპეციალისტმა ხელმძღვანელობას პორტუგალიის ეროვნული ნაკრების მცველის ტრანსფერის განხორციელება სთხოვა.

ინგლისური გამომცემლობების ვარაუდით, მანჩესტერელები „სამეფო კლუბს" პეპეს სანაცვლოდ 15 მილიონ ევროს შესთავაზებენ, რაც საკმაოდ ღარიბულად გამოიყურება, თუკი გავითვალისწინებთ, რომ პეპე „რეალის" დაცვის ნამდვილი ბურჯია.