როგორც ავტორიტეტული ფრანგული გამომცემლობა L’Equipe იუწყება, „მონაკოს“ ხელმძღვანელობამ გადაწყვიტა ვიქტორ ვალდესს კონტრაქტი არ გაუფორმოს.

შეგახსენებთ, რომ ვალდესს „ბარსელონასთან“ კონტრაქტი ივნისში ეწურება. თავად ვიქტორმა დიდი ხნის წინ მიიღო გადაწყვეტილება კატალონიელთა დატოვებასთან დაკავშირებით.

ვალდესის მომავალ სამუშაოდ „მონაკო“ მოიაზრებოდა. აქამდე ითქვა, რომ მხარეებმა შეთანხმებას მიაღწიეს, ესპანელმა კი სამედიცინო შემოწმებაც გაიარა.

თუმცა, ახლა „მონაკომ“ შეთანხმების გაფორმება გადაიფიქრა. ჯერჯერობით უცნობია, თუ რამ გამოიწვია მათი ამგვარი გადაწყვეტილების მიღება.

უნდა აღინიშნოს, რომ ახლა ვალდესი, ტრავმის შემდეგ, რომელიც ჯერ კიდევ მარტში მიიღო, რეაბილიტაციის კურს გადის.